182

نالائق اعظم نے جسٹس قاضی فائز پر کیس کرکے تشویش میں مبتلا کردیا، راناثنااللہ

راناثنااللہ(Rana SanaUllah) نے لاہور میں میڈیا سے گفتگو کرتے ہوئے کہا کہ نالائق اعظم نے سپریم کورٹ کے جج جسٹس قاضی فائز عیسی پر کیس کرکے قوم کو تشویش میں مبتلا کردیا، قاضی فائز عیسی(Fiaz Eisa) کی ایمانداری پر پوری قوم متفق ہے، اپوزیشن کو ریلیف دینے والے ججوں کیخلاف حربے استعمال کیے جا رہے ہیں، عدلیہ کی طرف بڑھتے قدموں کو نہ روکا گیا تو ناقابل تلافی نقصان ہوگا۔

راناثنااللہ نے مزید کہا کہ چیئرمین نیب کے واقعے کی انکوائری ہونی چاہیے، ویڈیو اصلی ہے یا نقلی،تحقیقات ہونی چاہئیں، نالائق اعظم کی ویڈیوز سب سے زیادہ ہیں لیکن چلائے کون؟، یہ گرے گا تو ملک میں ہرچیز ٹھیک ہوگی، حکومت چیئرمین نیب سے ڈومور کا مطالبہ کر رہی تھی، نیب سلیکٹڈ حکومت کے کہنے پر اپوزیشن کیخلاف کارروائی کر رہا ہے۔رہنما ن لیگ کا کہنا تھا کہ پوری قوم کو جعلی حکومت کیخلاف مزاحمت کرنا پڑے گی، جوحکومت کیخلاف مزاحمت میں شریک نہیں ہو گا وہ پاکستان کا خیرخواہ نہیں، تمام جماعتوں کے کارکن اسلام آباد پہنچے تو ان کو دیکھیں گے، سلیکٹ حکومت،سلیکٹ عدلیہ،سلیکٹ میڈیا بنائی جا رہی ہے، پارلیمنٹ کو بھی سلیکٹڈ پارلیمنٹ بنا دیا گیا ہے، حکومت کا رویہ ناقابل برداشت ہے، صبر کا پیمانہ لبریز ہو چکا ہے۔

اس خبر پر اپنی رائے کا اظہار کریں

اپنا تبصرہ بھیجیں